وفاقی وزیر آبی وسائل سید خورشید شاہ کورونا میں مبتلا ہوگئے

وفاقی وزیر آبی وسائل سید خورشید شاہ کورونا وائرس میں مبتلا ہوگئے۔

اپنے بیان میں خورشید شاہ نے کہا کہ بخار، کھانسی ہونے پر آج صبح کورونا کا ٹیسٹ کروایا تھا، جو مثبت آیا ہے۔

خورشید شاہ کا کہنا ہے کہ ڈاکٹروں کی ہدایت کے مطابق خود کو قرنطینہ کرلیا ہے۔

واضح رہے کہ ملک کے سب سے بڑے شہر کراچی میں کورونا وائرس کے کیسز میں تیزی سے اضافہ جاری ہے، گزشتہ 24 گھنٹوں کے دوران یہاں کورونا وائرس کے مثبت کیسز کی شرح 22 اعشاریہ 65 فیصد ریکارڈ کی گئی۔

دوسری جانب ملک بھر میں گزشتہ 24 گھنٹوں کے دوران کورونا وائرس کے مثبت کیسز کی شرح 2 اعشاریہ 85 فیصد ہو گئی ہے۔

بشکریہ جنگ