وسیم اکرم 10 ماہ بعد شنیرا اور بیٹی سے مل گئے

قومی کرکٹ کے سابق لیجنڈری کرکٹر وسیم اکرم 10 ماہ کے طویل عرصے کے بعد اپنی اہلیہ شنیرا اور بیٹی عائلہ سے مل گئے۔

مائیکرو بلاگنگ سائٹ ٹوئٹر پر وسیم اکرم نے ایک خوبصورت ویڈیو شیئر کی ہے جس میں دیکھا جاسکتا ہے کہ عائلہ بھاگتے ہوئے گھر کا دروازہ کھولتی ہیں تو سامنے اُن کے والد وسیم اکرم کھڑے ہوتے ہیں۔

عائلہ اپنے والد کو دیکھ کر فوراََ اُن کے گلے لگ جاتی ہیں اور وسیم اکرم کہتے ہیں کہ میں نے آپ کو بہت زیادہ یاد کیا۔

وسیم اکرم نے باپ بیٹی کے رشتے کو بیان کرتی یہ جذباتی ویڈیو شیئر کرتے ہوئے لکھا کہ ’آخرکار! میں نے 10 ماہ کے بعد اپنی بیٹی کو دیکھ لیا۔‘

سوئنگ کے سلطان وسیم اکرم کی اہلیہ شنیرا نے کہا ہے کہ اُن کی بیٹی کے خون میں کرکٹ کا جنون ہے۔

اُنہوں نے اتنے ماہ بیٹی عائلہ کو اکیلے سنبھالنے پر شنیرا کا شکریہ بھی ادا کیا۔

سابق کرکٹر نے اپنے ٹوئٹ میں ہیش ٹیگ HappyDays  بھی لکھا جس سے اندازہ لگایا جاسکتا ہے کہ اس فیملی کے اچھے دنوں کا آغاز ہوگیا ہے۔

واضح رہے کہ سابق قومی کرکٹر وسیم اکرم اہلیہ شنیرا اکرم اور بیٹی عائلہ سے طویل مدت بعد ملنے کے لیے گزشتہ دنوں ہی میلبورن پہنچے تھے۔

قومی کرکٹ ٹیم کے سابق لیجنڈری کرکٹر وسیم اکرم اور اُن کی اہلیہ شنیرا کو ملنے میں صرف دو دن باقی ہیں۔

گزشتہ برس سے شنیرا بیٹی کے ہمراہ کورونا وبا کے باعث سفری پابندیوں کے باعث آسٹریلیا میں ہی پھنسی ہوئی تھیں۔  

بشکریہ جنگ