وزیرخزانہ شوکت ترین نے انکم ٹیکس ریٹرنر کی تاریخ میں توسیع کا اعلان کردیا
کراچی چیمبر آف کامرس اینڈ انڈسٹری (کے سی سی آئی) نے بیان جاری کیا ہے کہ وزیر خزانہ شوکت ترین نے ٹیکس ریٹرن جمع کروانے کی تاریخ میں 15 اکتوبر تک توسیع کردی ہے۔
وفاقی وزیر خزانہ سے کراچی چیمبر کے وفد کی ملاقات کے بعد جاری کردہ اعلامیے میں کہا گيا ہےکہ وزیر خزانہ نے ٹیکس دہندگان کو انکم ٹیکس گوشوارے جمع کروانے میں درپیش مسائل سننے کے بعد 15 اکتوبر تک توسیع کا اعلان کیا۔
ملاقات میں کے سی سی آئی کے وفد نے ٹیکس سے متعلق غیر مؤثر پالیسیوں میں ترمیم کی ضرورت پر زور دیا۔
وفد نے ٹیکس قوانین (تیسری ترمیم) آرڈیننس 2021 کے نفاذ پر شدید تحفظات کا اظہار کیا۔
بشکریہ جنگ
Comments are closed.