وزیراعظم کی عوام سے فون پر گفتگو پر اسمبلی میں بحث
قومی اسمبلی میں وزیر اعظم کی عوام سے ٹیلیفون پر بات چیت پر بحث کی گئی۔
پاکستان پیپلز پارٹی سے تعلق رکھنے والے رکن قومی اسمبلی راجہ پرویز اشرف نے کہا کہ وزیر اعظم کی بنیادی ذمے داری عوام کے سوالوں کا قومی اسمبلی میں جواب دینا ہے۔
راجہ پرویز اشرف نے کہا کہ اپنی پسند کی چند کالز لے کر پاکستان کے عوام کا فائدہ نہیں ہو سکتا۔
رکن اسمبلی شاہدہ رحمانی نے کہا کہ وزیراعظم نے جب عوام کی کالز لیں تو الیکشن کمیشن کا فیکس نمبر دیا گیا تھا۔
مرتضیٰ جاوید عباسی نے کہا کہ بڑی کوشش کی وزیر اعظم کی کال نہیں ملی، اگر رکن قومی اسمبلی کا وزیراعظم سے رابطہ نہیں ہورہا تو عوام کا کیا ہوگا۔
وزیر مملکت علی محمد خان نے کہا کہ نادرا ریکارڈ سے نمبر چیک کیا جاتا ہے، پھر کال ملائی جاتی ہے، حکومت نے کبھی بھی یہ تشہیر نہیں کہ وزیر اعظم براہ راست کالز لیں گے، وزیر اعظم ایوان میں آکر جواب دینے کو تیار ہیں۔
Comments are closed.