وزیراعظم کو نااہل قرار دینے کی درخواست خارج
اسلام آباد ہائی کورٹ نے وزیر اعظم عمران خان کو نااہل قرار دینے کی درخواست کو خارج کر دیا۔
ذرائع ابالغ کے مطابق اسلام آباد ہائی کورٹ کے چیف جسٹس اطہر من اللہ نے لکی مروت کے رہائشی فدا اللہ کی درخواست پر سماعت کی۔
درخواست گزار نے عدالت عالیہ کو بتایا کہ سینیٹ الیکشن کے بعد وزیراعظم نے ایک بیان میں کہا تھا ان کے 16 ارکان قومی اسمبلی بکے، شیخ رشید نے بھی عمران خان کے بیان کی تصدیق کی تھی۔
درخواست گزار نے اسلام آباد ہائی کورٹ سے عمران خان نیازی کو نااہل قرار دینے کی استدعا کی۔
چیف جسٹس اطہر من اللہ نے اپنے ریماکس میں کہا کہ اپنے حلقے کے ارکان سے کہیں کہ وہ اس متعلق پٹیشن دائر کریں۔
عدالت نے شہری کی درخواست ناقابل سماعت قرار دے کر خارج کردی۔
Comments are closed.