وزیراعظم عمران خان نے پاک بھارت ٹاکرا کیسے دیکھا ؟

قومی کرکٹ ٹیم کے سابق کپتان، پاکستان کے موجودہ وزیر اعظم عمران خان نے گزشتہ شام پاک بھارت کے درمیان کھیلے جانے والا تاریخی میچ اپنے وفاقی وزیروں اور مشیروں کے ساتھ دیکھا۔

گزشتہ شام جہاں پاکستانی عوام پاک بھارت کے درمیان ٹی20 ورلڈ کپ کے سلسلے میں کھیلے جانے والے میچ کے بخار میں مبتلا تھی وہیں 1992ء ورلڈ کپ کے فاتح کھلاڑی، وزیر اعظم عمران خان نے بھی بھر پور دلچسپی کے ساتھ میچ دیکھا۔

پاک بھارت میچ کے دوران اسٹیدیم میں موجود قومی کپتان بابر اعظم کے والد خوشی سے آبدیدہ ہوگئے۔

وفاقی وزیر برائے توانائی حماد اظہر کی جانب سے اِن لمحات کی تصویریں اپنے سوشل میڈیا اکاؤنٹ ٹوئٹر پر شیئر کی گئیں۔

حما د اظہر نے وزیر اعظم عمران خان و یگر کے ساتھ تصویریں شیئر کرتے ہوئے کیپشن میں لکھا کہ ’پاکستان کی جیت دنیا کے بہترین کھلاڑی وزیر اعظم عمران خان کے ساتھ دیکھی، انہوں نے عمرا ن خان کے تجزیے اور تبصروں کو بھی خوب انجوائے کیا۔‘

قومی کرکٹ ٹیم کی ٹی ٹوئنٹی ورلڈکپ میں بھارت کیخلاف تاریخ ساز فتح کے بعد ’پرفیکٹ‘ سیلفی کے ہر جانب چرچے ہیں۔

انہوں نے اپنی ٹوئٹ میں پاکستانی شاہینوں کی تعریف کرتے ہوئے مزید لکھا کہ ’شاندار فتح پر شاباش لڑکو۔‘

آئی سی سی ورلڈکپ میں روایتی حریف بھارت کے خلاف یادگار کامیابی پر لال حویلی میں بھی خوب جشن کا سماں رہا۔

واضح رہے کہ ٹی ٹوئنٹی ورلڈ کپ میں شاہین شاہ آفریدی کے تباہ کن بالنگ اسپیل کے بعد کپتان بابر اعظم اور وکٹ کیپر محمد رضوان کی ریکارڈ شراکت کے باعث پاکستان نے بھارت کو 10وکٹ کی عبرت ناک شکست دے کر تاریخ بدل دی ہے۔

بشکریہ جنگ