وزیراعظم شہباز شریف ایک روزہ دورے پر کراچی پہنچ گئے

وزیراعظم پاکستان میاں محمد شہباز شریف ایک روزہ دورے پر کراچی پہنچ گئے ہیں۔

ایوی ایشن ذرائع کے مطابق وزیر اعظم کو اسلام آباد سے لانے والی خصوصی پرواز نے جمعہ کی دوپہر 12:45 بجے پاکستان ایئرفورس کی فیصل ایئر بیس پر لینڈ کیا۔ 

وفاقی وزیرِخزانہ مفتاح اسماعیل، وزیرِ آبی وسائل خورشید شاہ اور معاونِ خصوصی سید فہد حسین بھی وزیر اعظم کے ہمراہ کراچی پہنچے ہیں۔

صوبائی وزراء شرجیل انعام میمن اور سید ناصر حسین شاہ نے وزیراعظم کا ایئرپورٹ پر استقبال کیا۔

سیکیورٹی ذرائع کے مطابق وزیراعظم شہباز شریف ہیلی کاپٹر سے کراچی شپ یارڈ پہنچایا گیا، وزیراعظم شہباز شریف کراچی شپ یارڈ کا دورہ کر رہے ہیں اور وہاں انجینئیرنگ ورکس کی افتتاحی تقریب میں بطور مہمان خصوصی شریک ہیں۔ 

کراچی شپ یارڈ دورہ کے بعد وزیراعظم شہباز شریف وزیر اعلیٰ ہاؤس پہنچیں گے۔ 

ترکی کے وزیر دفاع خلوصی آقار وزیر اعظم شہباز شریف سے ملاقات کریں گے۔

وزیراعظم شہباز شریف کراچی میں امن و امان کی صورتحال پر اجلاس کریں گے۔ 

شہباز شریف وزیراعلی ہاوس میں کراچی کے تاجروں سے ملاقاتیں کریں گے۔

ملک کو درپیش معاشی مشکلات سے نمٹنے کے لیے ان کی تجاویز سنیں گے۔

مسلم لیگ نون کے رہنما اور کارکن بھی شہباز شریف سے ملاقات کریں گے۔

وزیر اعظم آج شام کو ہی اسلام آباد واپس روانہ ہوجائیں گے۔

بشکریہ جنگ