وزراء بدمعاشی سے گریز کریں، احتجاج جمہوریت کا حسن ہوتا ہے، ترجمان کالعدم ٹی ایل پی

کالعدم تحریک لبیک پاکستان (ٹی ایل پی) کے ترجمان نے ایک بیان میں کہا ہے کہ  حکومت نے آئینی و قانونی حق کو چھیننے کے لیے ہمیشہ طاقت کا استعمال کیا، وزراء بدمعاشی سے گریز کریں احتجاج جمہوریت کا حسن ہوتا ہے۔

لاہور میں کالعدم جماعت کا دھرنا تیسرے روز بھی جاری ہے، ترجمان پولیس کا کہنا ہے کہ دھرنے سے درجنوں کارکنان کو حراست میں لے لیا گیا ہے۔

ترجمان ٹی ایل پی کا کہنا ہے کہ وزیراعظم اور ان کی کابینہ سے واضح ہوتا ہے کہ ملک میں ون مین شو چل رہا ہے، پی ٹی وی کی عمارت پر حملہ، سول نافرمانی کی تحریک، بجلی کے بل جلانے کی ترکیب، ملک جام کرنے کے حربے سب ارباب اختیار نے کیے۔

ترجمان ٹی ایل پی نے کہا کہ بھارت سے فنڈنگ کی بات کرنے والے منہ سنبھال کر بات کریں، اسرائیل سے فنڈنگ کا کیس موجوہ حکمرانوں پر ہے جس کا فیصلہ نہیں ہونے دیا جارہا۔

لاہور میں کالعدم جماعت کا دھرنا تیسرے روز بھی جاری ہے، ترجمان پولیس کا کہنا ہے کہ دھرنے سے درجنوں کارکنان کو حراست میں لے لیا گیا ہے۔

انہوں نے کہا کہ فارن فنڈنگ کیس کا فیصلہ ہوا تو حکمران گرفتار اور آرٹیکل 6 کے تحت مقدمات ہوں گے۔

بشکریہ جنگ