واٹس ایپ کا ویب صارفین کیلئے سیکیورٹی سخت کرنے کا فیصلہ

 واٹس ایپ نے اپنے ڈیسک ٹاپ اور ویب کلائنٹ کی سیکیورٹی میں مزید اضافے کا فیصلہ کرتے ہوئے نئی اپڈیٹ متعارف کروادی ہے۔

واٹس ایپ کا اپنی نئی سیکیورٹی اپڈیٹ کے حوالے سے کہنا ہے کہ صارفین اپنے واٹس ایپ اکاؤنٹ کو ڈیسک ٹاپ ایپ یا ویب کلائنٹ سے مربوط کرنے کے لیے بائیو میٹرک تصدیق کرائیں گے۔

انہوں نے بتایا کہ اس اپڈیٹ کے تحت واٹس ایپ اپنے حفاظتی اقدامات کو مزید مضبوط بنا رہا ہے۔

خیال رہے کہ واٹس ایپ کا موجودہ نظام اکاؤنٹس کی شناخت اور ان سے منسلک کرنے کے لیے صرف ایک QR کوڈ پر انحصار کرتا ہے۔

واٹس ایپ کی نئی اپڈیٹ میں صارفین کو بائیو میٹرک سیٹنگ کے تحت ایپ کو ڈیسک ٹاپ و ویب کلائنٹ سے لنک کرنے کے لیے کہا جائے گا۔

بشکریہ جنگ