ن لیگ کا مسلسل شکستوں سے مورال گر گیا، فواد چوہدری

پاکستان تحریک انصاف (پی ٹی آئی) کے سینئر رہنما فواد چوہدری نے کہا ہے کہ ن لیگ کا مسلسل شکستوں سے مورال گر گیا ہے۔

ایک بیان میں فواد چوہدری نے کہا کہ ن لیگ اس وقت اس پوزیشن میں نہیں کہ مقابلہ کرسکے، اسے لگتا ہے کہ اُن کے ارکان بھی اُنہیں ووٹ نہیں دیتے ہیں۔

انہوں نے کہا کہ عمران خان نوجوانوں کو آگے لانا چاہتے ہیں، واثق قیوم ملک کی تاریخ کے سب سے نوجوان ڈپٹی اسپیکر ہوں گے۔

پی ٹی آئی رہنما نے مزید کہا کہ واثق قیوم کردار والا ہے، یہ کبھی بھی دوست مزاری کی طرح لوٹا نہیں بنے گا۔

بشکریہ جنگ