نیوزی لینڈ کرکٹ کے چیف ایگزیکٹیو ڈیوڈ وائٹ کا دستبردار ہونے کا فیصلہ

نیوزی لینڈ کرکٹ کے چیف ایگزیکٹیو ڈیوڈ وائٹ نے دستبردار ہونے کا فیصلہ کرلیا۔

نیوزی لینڈ کرکٹ کے مطابق ڈیوڈ وائٹ اگست میں اپنے عہدے سے دستبردار ہو جائیں گے، ان کی فروری 2012 میں تقرری ہوئی تھی۔

ڈیوڈ وائٹ نے کہا ہے کہ یہ ایک اچھا وقت ہے کہ لیڈرشپ تازہ دم لوگوں کے سپرد کی جائے، طویل عرصے تک ذمے داریاں نبھانا ایک اعزاز ہے۔

انہوں نے کہا کہ نیوزی لینڈ کرکٹ اس وقت بہتر مالی پوزیشن پر ہے ۔

نیوزی لینڈ کرکٹ کے چیئرمین مارٹن اسنیڈن نے کہا کہ ڈیوڈ وائٹ کے دور میں نیوزی لینڈ کرکٹ کو بہت کامیابیاں ملیں۔

بشکریہ جنگ