نور قتل کیس، ملزم ظاہر کا جسمانی ریمانڈ مکمل،آج عدالت میں پیش کیاجائے گا
نور مقدم قتل کیس کے مرکزی ملزم ظاہر جعفر کا تین روزہ جسمانی ریمانڈ آج مکمل ہوگیا، ریمانڈ مکمل ہونے پر ملزم کو آج عدالت میں پیش کیاجائےگا۔
ملزم ظاہرجعفر کو ضلع کچہری میں جوڈیشل مجسٹریٹ کے سامنے پیش کیا جائے گا، پولیس عدالت کو کیس کی تفتیش میں اب تک کی پیش رفت سے آگاہ کرے گی۔
گزشتہ روز ملزم ظاہر جعفر لاہور میں پولی گرافک ٹیسٹ سے قبل بے ہوش ہونے کی ایکٹنگ کرتا رہا۔ پنجاب فرانزک سائنس لیب میں ملزم ظاہر جعفر کا پولی گرافک ٹیسٹ مکمل ہونے پر واپس اسلام آباد لایا گیا۔
واضح رہے کہ ملزم کے والدین اور دو ملازمین کو بھی قتل کے مقدمے میں گرفتار کیا جا چکا ہے۔
20 جولائی کو تھانہ کوہسار کی حدود ایف سیون فور میں 27 سالہ لڑکی نور مقدم کو تیز دھار آلے سے قتل کیا گیا تھا۔
اسلام آباد پولیس نے 20 جولائی کی رات ملزم ظاہر کو ان کے گھر سے گرفتار کیا تھا جہاں نور کے والدین کے مطابق ملزم نے تیز دھار آلے سے قتل کیا اور سر جسم سے الگ کیا تھا۔
Comments are closed.