نواز شریف کی جعلی ویکسینیشن انٹری کرنے والوں پر مقدمہ درج

سابق وزیراعظم نواز شریف کی جعلی ویکسینیشن انٹری کے معاملے پر کوٹ خواجہ سعید اسپتال میں غلط ڈیٹا انٹری کرنے والے افراد کے خلاف مقدمہ درج کر لیا گیا۔

اسد عمر نے کہا کہ نواز شریف کی جعلی ویکسینیشن کے معاملے پر تعجب نہیں ہوا کیونکہ ان کی زیادہ تر روایت جعلی کاموں کی رہی ہے۔

سیکریٹری صحت پنجاب کا کہنا ہے کہ مقدمہ ایف آئی اے سائبر کرائم ونگ نے درج کیا ہے، مقدمہ میں اسپتال کے ملازم ابوالحسن اور عادل کو نامزد کیا گیا ہے۔

سیکریٹری صحت کا کہنا ہے کہ ملزمان کی گرفتاری کے لیے کارروائیاں جاری ہیں۔

بشکریہ جنگ