نواز شریف نے بدترین لوڈشیڈنگ ختم کردی تھی، شہباز شریف

وزیر اعظم شہباز شریف کا کہنا ہے کہ نواز شریف کی حکومت نے 5 سال میں بدترین لوڈ شیڈنگ ختم کردی تھی۔

سماجی رابطے کی سائٹ ٹوئٹر پر پیغام میں شہباز شریف نے کہا کہ پاکستان تحریک انصاف (پی ٹی آئی) حکومت نے ایندھن بروقت خریدا نہ پاور پلانٹس کی مرمت کرائی۔

انہوں نے مزید کہا کہ لوڈشیڈنگ کی وجہ ایندھن بروقت نہ خریدنا اور پاور پلانٹس کی مرمت نہ کرانا ہے۔

ان کا یہ بھی کہنا تھا کہ مہنگی بجلی کی پیداوار شہریوں پر ماہانہ 100 ارب روپے بوجھ کا باعث ہے، ہم لوڈشیڈنگ کے معاملے کو درست کر رہے ہیں۔

لاہور کے لیسکو ڈویژن میں بجلی کا بحران جاری ہے، لیسکو ذرائع کا کہنا ہے کہ شہر میں ایک سے 2 گھنٹے کا شیڈول دیا گیا ہے

خیال رہے کہ ملک بھر میں لوڈشیڈنگ ہوررہی ہے، کچھ شہروں میں تو لوڈشیڈنگ کا دورانیہ 8 سے 15 گھنٹوں تک ہے۔

بشکریہ جنگ