نایاب نسل کی چھپکلیوں کی اسمگلنگ ناکام، 2 ملزمان گرفتار

شیبا حیدر… محکمۂ جنگلی حیات خیبر پختونخوا نے نایاب نسل کی جھیکو چھپکلیوں کی غیر قانونی اسمگلنگ ناکام بنا کر 2 ملزمان کو گرفتار کر لیا ہے۔

محکمۂ جنگلات کے ترجمان کے مطابق مانسہرہ ٹول پلازہ پر کارروائی کے دوران گاڑی سے 15 جھیکو چھپکلیاں برآمد کی گئیں۔

ترجمان کے مطابق کارروائی کے دوران 2 ملزمان کو گرفتار بھی کیا گیا ہے، ملزمان کے خلاف وائلڈ لائف اینڈ بائیو ڈائیورسٹی ایکٹ کے تحت مقدمہ درج کیا گیا ہے۔

گرفتار ملزمان چھپکلیاں ایبٹ آباد سے شمالی علاقہ جات اسمگل کر رہے تھے۔

بشکریہ جنگ