میرے کیخلاف احتجاج کیلئے کالز کا نمبر خیبر پختونخوا اسمبلی کا ہے، نور عالم

پاکستان تحریک انصاف (پی ٹی آئی) کے رکن قومی اسمبلی نور عالم اپنے خلاف لوگوں کو احتجاج کے لیے آنے والی کالز کا نمبر منظر عام پر لے آئے۔  

رکن قومی اسمبلی نور عالم خان نے کہا کہ اگلی تین قطاروں میں بیٹھے افراد کے نام ایگزٹ کنٹرول لسٹ میں ڈال دیں ، سب ٹھیک ہوجائے گا۔

سوشل میڈیا پر اپنے بیان میں نور عالم خان کا کہنا تھا کہ میرے حلقے کے لوگوں کو ایک نمبر سے کال کی گئی اور میرے خلاف احتجاج کرنے کا کہا گیا۔

انہوں نے یہ بھی کہا کہ جس نمبر سے یہ کالیں کی گئیں وہ نمبر خیبر پختون خوا اسمبلی کا ہے۔ 

نور عالم نے مزید لکھا کہ میں حیران ہوں کہ جو لوگ اپنے گاؤں میں نہیں جیت سکتے وہ لوگوں کو میرے خلاف احتجاج کرنے کے لیے کال کر رہے ہیں۔

اپنے پیغام کے آخر میں انہوں نے تحریر کیا کہ ایسے لوگ شرم کریں۔

بشکریہ جنگ