میئر کے انتخاب کیلئے پی ٹی آئی، جماعت اسلامی اجلاس بغیر کسی نتیجے کے ختم

پاکستان تحریک انصاف اور جماعت اسلامی کی ملاقات کی اندرونی کہانی سامنے آگئی، میئر کے انتخاب کیلئے دونوں جماعتوں کا اجلاس بغیر کسی نتیجے پر ختم ہوگیا۔

ذرائع کے مطابق جماعت اسلامی نے پی ٹی آئی سے کراچی کے میئر کیلئے معاونت کی درخواست کی جس پر پی ٹی آئی نے کوئی مؤثر جواب نہیں دیا۔

ذرائع پی ٹی آئی نے دعویٰ کیا کہ تحریک انصاف کراچی کی دوسری بڑی سیاسی جماعت ہے، 46 کے بجائے 82 سیٹوں پر کامیاب ہوئے ہیں۔

ذرائع پی ٹی آئی نے کہا کہ چار نشستیں مزید جیتی ہیں، گلشن اقبال، ناظم آباد، کورنگی اور موریرو میربہار سے کامیاب ہوئے۔

ذرائع کے مطابق چاروں نشستوں پر جیت کا اعلان آر او کرچکا ہے، 16 ایسی نشستیں ہیں جن میں فارم 11 اور اپینڈیکس اے میں فرق ہے۔

ان 16نشستوں میں زیادہ تر نشستیں جماعت اسلامی اور پیپلز پارٹی نے جیتی ہیں۔

ذرائع نے کہا کہ 14 مزید ایسی نشستیں ہیں جن میں چند پولنگ اسٹیشنز کا رزلٹ رکا ہوا ہے۔

ذرائع نے مزید کہا کہ 14 نسشوں پر پہلے اور دوسرے نمبر کے درمیان 5 فیصد ووٹوں کا فرق ہے۔

بشکریہ جنگ