موسم کی خرابی، وزیرِاعظم میانوالی اور ٹانک نہیں جاسکے

وزیرِ اعظم شہباز شریف موسم کی خرابی کے باعث میانوالی اور ٹانک نہیں جاسکے۔

وزیرِ اعظم آفس سے جاری بیان میں کہا گیا ہے کہ شہباز شریف کا ہیلی کاپٹر موسم کی خرابی کی وجہ سے میانوالی سے واپس آگیا ہے۔

شہباز شریف کو سیلاب متاثرہ علاقوں کے دورے کے سلسلےمیں پہلے میانوالی اور پھر ٹانک جانا تھا، وزیرِ اعظم کو ٹانک میں تعمیر شدہ 100 گھروں کا افتتاح کرنا تھا۔

ملکہ برطانیہ کی پیر کو ہونے والی آخری رسومات میں وزیرِ اعظم شہباز شریف سمیت دنیا بھر سے 500 کے قریب سربراہانِ مملکت اور وفود شرکت کریں گے۔

وزیرِ اعظم نے ہوائی اڈے پر سیلاب سے متعلق جائزہ اجلاس طلب کر لیا، وہ ہوائی اڈے پر سیلاب سے متعلقہ اجلاس کے بعد لندن روانہ ہوں گے۔

بشکریہ جنگ