منی پور فسادات میں ابتک 180سے زائد افراد ہلاک

بھارت کی ریاست منی پور میں فسادات کا سلسلہ جاری ہے۔ 

بھارتی میڈیا کے مطابق منی پور میں میتی برادری کے 3 افراد کو ہلاک کر دیا گیا اور متعددگھروں کو آگ لگا دی گئی۔

ہجوم نے ضلع بشنوپور میں سیکیورٹی فورسز کی پوسٹوں پر حملہ کیا اور گولہ بارود سمیت کئی ہتھیار لوٹ کر لے گئے۔

بھارت کی ریاست منی پور میں فرقہ وارانہ فسادات پھر شدت اختیار کر گئے۔

بھارتی پولیس کا کہنا ہے کہ ہجوم نے منی پور رائفلز کی بٹالین سے اسلحہ اور گولہ بارود چھیننے کی کوشش کی، حالات پھر سے بےقابو ہو گئے ہیں، اسلحہ، گولہ بارود لوٹ لیا گیا۔

بھارتی میڈیا کے مطابق منی پور میں 3 مئی سے جاری فسادات میں اب تک 180 سے زائد افراد ہلاک ہو چکے ہیں۔

بشکریہ جنگ