مغرب کا یوکرین کو F16 طیارے دینا آگ سے کھیلنے کے مترادف ہے، روس

مغربی ممالک کی جانب سے یوکرین کو ایف سولہ لڑاکا طیارے دینے کے فیصلے پر روس نے مغرب کو خبردار کر دیا۔ روس کا کہنا ہے کہ مغرب کا یوکرین کو ایف سولہ طیارے دینا آگ سے کھیلنے کے مترادف ہے۔

یاد رہے کہ چند روز قبل امریکا نے روس کے خلاف جنگ میں یوکرین کو ایف 16 لڑاکا طیارے دینے کا عندیہ دیا تھا۔ 

اس اقدام پر روسی وزیر خارجہ سرگئی لاوورف کا کہنا ہے کہ یوکرین کو ایف 16 طیارے دینے کے معاملے میں مغرب آگ سے کھیل رہا ہے۔

انکا یہ بھی کہنا تھا کہ یوکرین کو ایف 16 طیارے دے کر تنازع کو بڑھانا ناقابل قبول ہے۔

بشکریہ جنگ