معذور یا بیمار شہریوں کو گھروں میں کورونا ویکسین لگائی جائے گی، یاسمین راشد

وزیر صحت پنجاب  ڈاکٹر یاسمین راشد کا کہنا ہے کہ  60 سال کی عمر سے زائد معذور یا بیمار شہریوں کو گھروں میں کورونا ویکسین لگائی جائے گی۔

 لاہور میں میڈیا سے گفتگو کرتے ہوئے یاسمین راشد نے کہا کہ 60 سال عمر سے زائد معذور یا بیمار شہری 1033پر کال کرکے معلومات فراہم کریں۔

یاسمین راشد نے کہا کہ ایمبولینس میں ایک ویکسینیٹراور ڈاکٹر تعینات ہوگا۔

ڈاکٹر یاسمین راشد نے کہا کہ محکمہ صحت کو شہریوں کو گھروں میں کورونا ویکسین لگانے کی ہدایت کردی ہے۔

انہوں نے کہا کہ روزانہ کی بنیاد پر 27 ہزارسے زائد بزرگ شہریوں کو ویکسین لگائی جارہی ہے۔

بشکریہ جنگ