مشین ریڈ ایبل پاسپورٹ کی فیس میں اضافے کی خبر بے بنیاد ہے، وزارت داخلہ

وزارت داخلہ نے مشین ریڈ ایبل پاسپورٹ کی فیس میں اضافے کی خبروں کو بے بنیاد قرار دے دیا۔

اسلام آباد سے جاری وضاحتی بیان میں ترجمان وزارت داخلہ نے کہا کہ مشین ریڈ ایبل پاسپورٹ فیس میں اضافے کی خبریں بے بنیاد ہیں۔

وزارت داخلہ نے الیکٹرانک (ای) پاسپورٹ کی فیس کا اعلان کردیا ہے۔

انہوں نے کہا کہ مشین ریڈ ایبل پاسپورٹ کی فیسوں میں کوئی اضافہ نہیں کیا گیا جبکہ حکومت نے شہریوں کےلیے ای۔پاسپورٹ جاری کرنے کی منظوری دی ہے۔

ترجمان وزارت داخلہ نے مزید کہا کہ ای۔پاسپورٹ سہولت کا اجراء فی الحال نہیں کیا گیا، حال ہی میں ای۔پاسپورٹ کی آرڈنری فیس مقرر کی گئی تھی۔

ترجمان نے یہ بھی کہا کہ مقررہ فیس صرف ای۔پاسپورٹ کے اجراء پر لاگو ہوگی، باقی فیسیں برقرار ہیں۔

بشکریہ جنگ