مریم نواز کے پاکستان ٹیم کیلئے حوصلہ افزا الفاظ

پاکستان مسلم لیگ (ن) کی نائب صدر اور سابق وزیراعظم نواز شریف کی صاحبزادی مریم نواز نے ٹی20 ورلڈکپ 2022 کے میچ میں بھارت سے شکست کے بعد کھلاڑیوں کی ہمت افزائی کی اور حوصلہ بڑھانے والے الفاظ کہے۔

سماجی رابطے کی ویب سائٹ پر جاری بیان میں مریم نواز نے کہا کہ بہادری سے مقابلے کے بعد شکست کھا جانا کوئی شرم کی بات نہیں ہے۔

انہوں نے مزید کہا کہ کوشش ہی اصل اہمیت رکھتی ہے جو آج کے میچ میں ہم نے بہت دیکھی، آخر تک گرفت میں رکھنے والا یہ مقابلہ کسی وقت کہیں بھی جاسکتا تھا۔

ن لیگی نائب صدر نے یہ بھی کہا کہ لڑکوں اٹھو، ہمت پکڑو اور اگلی لڑائی کے لیے تیار ہوجاؤ۔

بشکریہ جنگ