مریم نواز کا یوکرین میں پھنسے طلبہ کو فوری وطن واپس لانے کا مطالبہ

مسلم لیگ ن کی رہنما مریم نواز نے یوکرین میں پھنسے طلبہ کو فوری وطن واپس لانے کا مطالبہ کردیا۔

انہوں نے کہا کہ کوئی ہے جو یوکرین میں پھنسے پاکستانی طلبہ کی آواز سن سکتا ہو، سینکڑوں پاکستانی طالبعلم یوکرین سے نکالے جانے کے منتظر ہیں۔

مریم نواز نے کہا کہ کیا طالب علموں کو یوکرین سے نکالنے والا کوئی نہیں؟

دوسری جانب یوکرین میں تعینات پاکستانی سفیر نویل کھوکھر کا کہنا ہے کہ یوکرین میں موجود تمام پاکستانی محفوظ ہیں۔

مستقبل کے واقعات دکھانے کے حوالے سے مشہور کارٹون سیریز ’سمپسنز‘ نے روس اور یوکرین جنگ کی پیشگوئی دہائیان پہلے ہی کردی تھی، جو اب حقیقت کا روپ اختیار کررہی ہے۔

انہوں نے کہا کہ طلبہ اور دیگر پاکستانی لوویو یا ٹرنوپل پہنچیں، ایمبیسی نے پاکستانیوں کیلئے رہائش کا انتظام کر لیا ہے۔

نویل کھوکھر نے کہا کہ ٹوئٹر اور سوشل میڈیا پر ہماری ہدایات حاصل کرتے رہیں، کیف میں موجود طلبہ ٹرین سے فوری لیویو آجائیں۔

بشکریہ جنگ