مریم اورنگزیب کا عمران خان کی پیشکش پر دو لفظی ردعمل

وفاقی وزیر اطلاعات و نشریات مریم اورنگزیب نے چیئرمین پاکستان تحریک انصاف عمران خان کے بیان پر دو لفظی ردعمل دیا ہے۔

عمران خان نے حکومت کو مشروط مذاکرات کی پیشکش کی، پی ڈی ایم حکومت نے ترجمان نے پر دو لفظی جواب دیا کہ ’اکتوبر 2023ء‘۔

لاہور میں پارلیمانی پارٹی سے خطاب کرتے ہوئے عمران خان نے کہا کہ جب تک سیاسی استحکام نہیں آئے گا تب تک معاشی استحکام نہیں آئے گا۔

اس سے قبل عمران خان نے کہا تھا کہ پنجاب اور خیبرپختونخوا اسمبلی توڑتے ہیں تو 66 فیصد پاکستان میں الیکشن ہوگا۔

انہوں نے حکومت کو پیشکش کی کہ ہمارے ساتھ بیٹھ کر بات کریں اور ہمیں عام انتخابات کی تاریخ دیں۔

اس پر وفاقی وزیر داخلہ رانا ثناء اللّٰہ نے بھی ردعمل دیا اور کہا تھا کہ ہمارا موقف ہے کہ الیکشن وقت پر ہوں گے۔

ساتھ ہی انہوں نے عمران خان کی پیشکش پر جواب دیا کہ خان صاحب تو کہتے تھے کہ ان کے ساتھ مذاکرات کے لیے بیٹھنے سے بہتر ہیں کہ میں مر جاؤں۔

بشکریہ جنگ