مرتضیٰ وہاب کا فریال تالپور سے اظہار تشکر، گلدستہ پیش کیا

پاکستان پیپلز پارٹی کے نامزد امیدوار برائے میئر کراچی بیرسٹر مرتضیٰ وہاب نے اپنی نامزدگی پر پیپلز پارٹی کی سینئر رہنما اور سابق صدر آصف علی زرداری کی ہمشیرہ فریال تالپور سے اظہار تشکر کیا ہے۔ 

مرتضیٰ وہاب نے اپنے ٹوئٹر پر فریال تالپور کے ساتھ ایک تصویر شیئر کی ہے جس میں وہ سینئر رہنما کو گلدستہ پیش کر رہے ہیں۔ 

تصویر کے ساتھ کیپشن میں انہوں نے تحریر کیا کہ ’آپ کی جانب سے مسلسل مدد و رہنمائی اور میرے ساتھ بالکل اپنے بیٹے جیسا سلوک روا رکھنے پر میں آپکا شکر گزار ہوں۔‘

بشکریہ جنگ