مدرسے میں طالبہ سے زیادتی کیس میں شریک ملزمہ کی ضمانت منظور

راولپنڈی کے مدرسے میں طالبہ سے زیادتی و تشدد کیس کی سماعت کے دوران شریک ملزمہ عشرت حنیف کی ضمانت منظور کرلی گئی۔

عدالت نے ملزمہ کو ایک لاکھ روپے کے ضمانتی مچلکے جمع کروانے کا حکم دے دیا۔

ایڈیشنل ڈسٹرکٹ اینڈ سیشن جج ملک اعجاز آصف نے ملزمہ کی ضمانت منظور کی۔

عدالت کا کہنا ہے کہ ملزمہ نے تفتیش میں مکمل تعاون کیا، جیل میں رکھنے کا کوئی جواز نہیں۔

بشکریہ جنگ