لڑکوں کا روپ دھار کر موٹر سائیکل چوری میں ملوث لڑکی کو جیل بھیج دیا گیا

کراچی میں جوڈیشل مجسٹریٹ غربی کی عدالت نے لڑکوں کا روپ دھار کر موٹر سائیکلیں چوری کرنے میں ملوث لڑکی کو عدالتی ریمانڈ پر جیل بھیجنے کا حکم دے دیا۔

کراچی کے مختلف علاقوں میں لڑکوں کا روپ دھار کر موٹر سائیکل چوری کرنے میں ملوث ملزمہ ثمرین عرف مشا کو جوڈیشل مجسٹریٹ غربی کی عدالت میں پیش کیا گیا۔

عدالت نے ملزمہ کو عدالتی ریمانڈ جیل بھیجنے کا حکم دے دیا، ملزمہ کی جانب سے درخواست ضمانت دائر کر دی گئی۔

جس پر سرکاری وکیل کو27 فروری کیلئے نوٹس جاری کر دیے۔

پولیس کے مطابق گرفتار ملزمہ ثمرین عرف مشا مختلف علاقوں سے موٹرسائیکلیں چوری کرکے حب بلوچستان لے جا کر فروخت کرتی تھی۔

 ملزمہ اپنے ساتھی کے ہمراہ وارداتیں کرتی تھی۔

بشکریہ جنگ