لاہور میں اومی کرون کے 31 نئے کیس رپورٹ

محکمہ صحت پنجاب کی جاری رپورٹ کے مطابق 24 گھنٹے میں کورونا کے 376 نئے کیسز سامنے آئے، 31 افراد میں اومی کرون کی تصدیق ہوئی ،جن کا تعلق لاہور سے ہے.

محکمہ صحت پنجاب کے مطابق گزشتہ 24 گھنٹوں میں 18 ہزار 681 تشخیصی ٹیسٹ کیے گئے، لاہور میں 31 نئے مریض سامنے آنے کے بعد اومی کرون کیسز کی تعداد 242 جبکہ صوبے میں اومی کرون کی کل تعداد 250 ہوگئی ہے۔

پنجاب میں اس وقت کورونا ایکٹیو کیسز کی کل تعداد 4 ہزار 240 ہے۔

محکمہ صحت پنجاب کے مطابق صوبے میں کورونا مثبت کیسز کی شرح 2 اور لاہور میں 5 اعشاریہ 7فیصد ریکارڈ کی گئی ہے۔

بشکریہ جنگ