لاہور: مزید 12 علاقوں میں اسمارٹ لاک ڈاؤن نافذ

کورونا وائرس کے بڑھتے ہوئے کیسز کے باعث لاہور کے مزید 12 علاقوں میں اسمارٹ لاک ڈاؤن لگا دیا گیا ہے۔

سیکریٹری پرائمری اینڈ سیکنڈری ہیلتھ کیئر کے نوٹیفکیشن کے مطابق اسمارٹ لاک ڈاؤن 13 مارچ تک جاری رہے گا۔

ملک بھر میں عالمی وبا کورونا کے مسلسل بڑھتے کیسز کی…

علاقہ مکینوں کی نقل و حمل محدود ہو گی اور انتہائی ضرورت کے پیشِ نظر ایک فرد ایک سواری استعمال کر سکے گا۔

نوٹیفکیشن کے مطابق ڈیفنس فیز فور کی گلی نمبر 12 ڈبل ایف، ڈبل ڈی گلی نمبر 4، غازی روڈ آر بلاک فیز 2 ڈی ایچ اے، والٹن روڈ کی آفیسر کالونی گلی نمبر 8 اور چلڈرن لائبریری کمپلیکس میں اسمارٹ لاک ڈاؤن لگایا گیا ہے۔

ہیراں روڈ اسلام پورہ گلی نمبر جی ٹو سے جی فور، راج گڑھ گلی نمبر 27، محلہ نیو چو برجی پارک مکان نمبر 42 اے سے 46 اے میں اسمارٹ لاک ڈاؤن نافذ کیا گیا ہے۔

گلشنِ راوی مکان نمبر 390 اے سے 394 اے، راشد اسٹریٹ سوڈیوال مکان نمبر 1 سے 4، جی او آر 2 کی گلی نمبر 7 اور وحدت کالونی ایف بلاک کے مکان نمبر 57 سے 61 تک اسمارٹ لاک ڈاؤن لگا دیا گیا ہے۔

بشکریہ جنگ