لاہور اور بھکر سے 6 مبینہ دہشت گرد گرفتار

سی ٹی ڈی نے لاہور سے 5 اور بھکر سے 1 مبینہ دہشت گرد کو گرفتار کر لیا، ملزمان کے قبضے سے اشتعال انگیز لٹریچر اور چندے کی رسیدیں برآمد کر لی گئی ہیں۔

سندھ کے ضلع جامشورو کے علاقے کوٹری میں پولیس اور رینجرز نے مشترکہ کارروائی کے دوران تحریکِ طالبان کے مبینہ دہشت گرد کو گرفتار کر لیا۔

ترجمان سی ٹی ڈی کے مطابق لاہور میں بھٹہ چوک کے قریب کالعدم تنظیم داعش کے 5 دہشت گرد نزیف اللّٰہ، ضیاء الرحمٰن، اشتیاق، عبدالرحمٰن بٹ اور ملک کاشف منافرت پر مبنی لٹریچر تقسیم اور اپنی تنظیم کیلئے چندہ جمع کر رہے تھے۔

سی ٹی ڈی نے گرفتار ملزمان کے قبضے سے چندے کی رسیدیں بھی برآمد کرلی گئی ہیں۔

ترجمان سی ٹی ڈی کے مطابق بھکر سے کالعدم تنظیم لشکرِ جھنگوی کا دہشت گرد ابو ذر پکڑا گیا، جس کے خلاف مقدمہ درج کر لیا گیا ہے۔

بشکریہ جنگ