لانگ مارچ کے دوران توڑ پھوڑ کا کیس، عمران خان عدالت پیش نہیں ہوئے
پاکستان تحریک انصاف (پی ٹی آئی) کے لانگ مارچ کے دوران توڑ پھوڑ کے مقدمے میں سابق وزیرِ اعظم، چیئرمین پی ٹی آئی عمران خان عدالت میں پیش نہیں ہوئے۔
اسلام آباد کی ڈسٹرکٹ سیشن عدالت میں پی ٹی آئی کے لانگ مارچ کے دوران توڑ پھوڑ کے کیس کی سماعت ہوئی۔
کیس کی سماعت سیشن جج کامران بشارت مفتی نے کی۔
چیئرمین پی ٹی آئی عمران خان کے وکیل نے عدالت میں کہا کہ عمران خان کی جان کو خطرہ ہے، جس وجہ سے وہ پیش نہیں ہو سکتے۔
عدالت نے عمران خان کی حاضری سے استثنا کی درخواست منظور کرتے ہوئے ان کی عبوری ضمانت میں 18 جولائی تک توسیع کر دی۔
خیال رہے کہ سابق وزیر اعظم عمران خان کے خلاف اسلام آباد کے مختلف تھانوں میں 15 مقدمات درج کیےگئےتھے۔
پی ٹی آئی کے لانگ مارچ کے دوران توڑ پھوڑ کے مقدمے میں ضمانت حاصل کرنے کے لیے سابق وزیرِ اعظم عمران خان نے اسلام آباد کی ڈسٹرکٹ کورٹ سے رجوع کیا تھا۔
Comments are closed.