قومی ٹیم مشکلات کو شکست دیکر فائنل میں پہنچی: وزیرِ اعظم شہباز شریف

وزیرِ اعظم شہباز شریف نے ٹی ٹوئنٹی ورلڈ کپ کے فائنل سے کچھ دیر پہلے پاکستان کرکٹ ٹیم کے لیے پیغام جاری کر دیا۔

سماجی رابطے کی ویب سائٹ پر وزیرِ اعظم شہباز شریف نے پیغام میں لکھا ہے کہ ٹیم پاکستان آپ نے ورلڈ کپ کے فائنل تک پہنچنے کے لیے تمام مشکلات کو شکست دی ہے۔

شہباز شریف نے لکھا ہے کہ میں جانتا ہوں کہ آپ میں جیتنے کا جذبہ، حوصلہ اور عزم ہے، اپنے آپ پر یقین رکھیں اور اپنا بہترین کھیل کھیلیں۔

وزیرِ اعظم شہباز شریف نے پاکستانی ٹیم کے لیے لکھا ہے کہ پوری قوم آپ کے پیچھے کھڑی ہے۔

واضح رہے کہ پاکستان اور انگلینڈ کے درمیان آج ٹی ٹوئنٹی ورلڈ کپ کا فائنل میلبرن میں شیڈول ہے۔

بشکریہ جنگ