فواد چوہدری سے 8 دن بعد اڈیالہ جیل میں ملاقات ہوئی، حبا فواد

تحریک انصاف کے رہنما فواد چوہدری کی اہلیہ نے کہا ہے کہ کل 2 بیٹیوں کے ساتھ فواد چوہدری سے ملنے اڈیالہ جیل گئی۔

اسلام آباد کی کچہری میں میڈیا سے گفتگو کرتے ہوئے حبا فواد چوہدری نے کہا کہ کل خاوند سے 8 دنوں بعد ملاقات ہوئی۔

انہوں نے کہا کہ فواد چوہدری کو سی کلاس کی جیل میں رکھا گیا ہے، ان کے ساتھ دہشتگردی کے مقدمات کے ملزمان قید ہیں۔

پاکستان تحریک انصاف (پی ٹی آئی) کے گرفتار رہنما فواد چوہدری کی اہلیہ اور دونوں بیٹیوں سے ملاقات ہو گئی۔

حبا فواد نے کہا کہ فوادچوہدری کو بی کلاس کی سہولت دینے کا مطالبہ کیا ہے، بی کلاس تمام سیاسی شخصیات کو دی جاتی ہے تو فواد چوہدری کو کیوں نہیں؟

انہوں نے کہا کہ فواد چوہدری سے پوچھا کہ سوشل میڈیا اور موبائل کے بغیر رہ رہے ہیں تو انہوں نے قہقہہ لگایا۔

بشکریہ جنگ