فلسطین کے صدر کو سعودی سفیر نے سفارتی اسناد پیش کردیں

فلسطینی صدر محمود عباس کو سعودی سفیر نائف بن بندر السدیری نے سفارتی اسناد پیش کردیں۔

نائف بن بندر السدیری القدس میں سعودی قونصل جنرل کے فرائض بھی انجام دیں گے۔

صدر محمود عباس کے مشیر برائے سفارتی امور ماجدی الخالدی نے سعودی سفیر نائف السدیری کی اسناد وصول کیں۔

نائف بن بندر السدیری کو اگست میں فلسطینی علاقوں کیلئے غیر مقیم سفیر مقرر کیا گیا تھا۔

اوسلو معاہدے کے بعد کسی بھی سعودی وفد کا مقبوضہ فلسطینی علاقوں کا یہ پہلا دورہ ہے۔

سعودی سفیر نے کہا کہ سعودی عرب فلسطینی تنازع کو اہمیت دیتا ہے، ایسی فلسطینی ریاست کیلئے کوشاں ہیں جس کا صدر مقام مشرقی بیت المقدس ہوگا۔

انہوں نے مزید کہا کہ سعودی عرب بین الاقوامی قراردادوں کی روشنی میں تنازع کا حل چاہتا ہے۔

بشکریہ جنگ