غزہ پر زمینی کارروائی کے ساتھ بمباری بھی کی جارہی ہے، اسرائیلی فوج

ترجمان اسرائیلی فوج کے مطابق غزہ پر زمینی کارروائی کے ساتھ بمباری بھی کی جارہی ہے۔

ترجمان کے مطابق غزہ میں زمینی فوج اور بکتر بند ٹینکس حصہ لے رہے ہیں، غزہ میں انجینئرنگ اور توپ خانے کے دستے بھی حصہ لے رہے ہیں۔

اسرائیلی فوج کی جانب سے کہا گیا ہے کہ آج خوراک، پانی اور ادویات لے جانے والے ٹرک کو غزہ میں داخل ہونے کی اجازت دیں گے۔

ترجمان اسرائیلی فوج کے مطابق اسرائیلی افواج اب بھی میدان میں ہیں، فلسطینی انکلیو میں فوجی کارروائیوں میں توسیع کی ہے۔

اسرائیلی فوج نے دعویٰ کیا ہے کہ شمالی غزہ میں گزشتہ رات داخل ہونے والے اسرائیلی فوجی اب بھی موجود ہیں۔

بشکریہ جنگ