عمران خان کا مردان جلسے سے متعلق اہم ویڈیو پیغام

سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے 13 مئی کو مردان میں ہونے والے جلسے کے متعلق ایک ویڈیو پیغام مائیکرو بلاگنگ سائٹ ٹوئٹر پر شیئر کیا ہے۔

وزارتِ عظمیٰ سے فارغ ہونے کے بعد ان دنوں عمران خان حکومت مخالف جلسے کررہے ہیں۔

عمران خان کا اپنے بیان میں کہنا ہے کہ 13 مئی کو شام 6 بجے مردان میں موجود ہوں گا۔

انہوں نے مزید کہا کہ بیرونی سازش کے نتیجے میں کرپٹ لوگوں کو ہم پر مسلط کیا گیا۔

ان کا یہ بھی کہنا تھا کہ یہ امپورٹڈ حکومت نامنظور ہے۔

سابق وزیر اعظم نے کہا کہ مسلط ہونے والے کرپٹ لوگوں کو کبھی تسلیم نہیں کریں گے۔

سابق وزیراعظم اور چیئرمین پی ٹی آئی عمران خان کی گدھے سے متعلق مثال سوشل میڈیا پر وائرل ہوگئی۔

واضح رہے کہ ملک کے مختلف شہروں میں پاکستان تحریک انصاف کے جلسے کیے جارہے ہیں۔

ان جلسوں کے بعد، عمران خان آزادی مارچ کی تاریخ کا اعلان کریں گے۔

بشکریہ جنگ