عمران خان نے زمان پارک کے گھر کا لگژری ٹیکس ادا کردیا

محکمہ ایکسائز پنجاب کا کہنا ہے کہ چیئرمین پاکستان تحریک انصاف (پی ٹی آئی) عمران خان نے لاہور کے علاقے زمان پارک میں واقع اپنے گھر کا لگژری ٹیکس ادا کردیا۔

خیال رہے کہ محکمہ ایکسائز اینڈ ٹیکسیشن پنجاب نے آج چیئرمین تحریک انصاف عمران خان کو زمان پارک کے مکان کےلیے لگژری ٹیکس کا نوٹس بھجوایا تھا۔

محکمے کے مطابق عمران خان کو 14 لاکھ 40 ہزار لگژری ٹیکس ادا کرنے کا نوٹس دیا گیا تھا۔ ٹیکس جمع کروانے کی آخری تاریخ 12 مئی تھی تاہم نوٹس آج کےلیے بھجوایا گیا۔

محکمہ ایکسائز کے مطابق عمران خان کا زمان پارک کا پرانا مکان گرا کر نیا مکان تعمیر کیا گیا جو ان کے اور ان کی چار بہنوں کے نام ہے۔

بشکریہ جنگ