عمران خان نے اسمبلیاں توڑنے کی دھمکی پرویز الہٰی، محمود خان کو دی: ناصر شاہ

وزیرِ بلدیات سندھ سید ناصر حسین شاہ کا کہنا ہے کہ عمران خان کی جانب سے اسمبلیوں کو تحلیل کرنے کی دھمکی وفاق کو نہیں پرویز الہٰی اور محمود خان کو دی گئی۔

جاری کیے گئے بیان میں وزیرِ بلدیات سندھ سید ناصر حسین شاہ نے یہ بات کہی ہے۔

ان کا کہنا ہے کہ لگتا ہے کہ عمران نیازی اسمبلی کی عمارتیں توڑنے کی بات کر رہے ہیں، اس لیے وقت لگ رہا ہے۔

اگر اتحادی حکومت نے عمران نیازی سے نپٹنے کا فیصلہ کیا تو یہ خود اپنے خلاف وعدہ معاف گواہ بن جائیگا، وزیر بلدیات سندھ

وزیرِ بلدیات سندھ سید ناصر حسین شاہ نے مزید کہا ہے کہ عمران خان اسمبلی توڑنا چاہتے تو وہ تو ایک سمری پر دستخط کا کام ہے۔

ان کا یہ بھی کہنا ہے کہ سیاسی یتیمی عمران خان سے غلطیاں اور غیر سیاسی فیصلے کروا رہی ہے۔

بشکریہ جنگ