عمران خان جس ٹرانسپیرنسی کو سچ مانتے تھے اسی کی ساکھ پر مشیر نے اعتراضات اٹھادیے

عمران خان جس ٹرانسپیرنسی انٹرنیشنل کے حوالے دے کر حکومت پر تنقید کرتے تھے، آج اُن کے حکومتی مشیر نے اسی کی ساکھ پر اعتراضات داغ دیے۔

وزیراعظم عمران خان کے مشیر نے ٹوئٹر پر اپنے بیان میں ٹرانسپیرنسی انٹرنیشنل کی رپورٹس کے مندرجات لگاتے ہوئے طنز کیا۔

شہباز گل نے اپنے بیان میں کہا کہ آپ کی ساری کی ساری ٹرانسپیرنسی یہ پڑی ہے۔

انہوں نے مزید کہا کہ عمران حکومت میں کرپشن بڑھ جانے کی رپورٹ دینے والے عادل گیلانی وہی ہیں، جنہیں نواز شریف نے سربیا میں سفیر مقرر کیا تھا، اس لیے عادل گیلانی کی رپورٹ کو شریف خاندانی کی رپورٹ ہی سمجھا جائے۔

معاون خصوصی نے کہا کہ ٹرانسپیرنسی اس وقت اچھی رپورٹ دے رہا تھا، جب شہباز شریف کے چپڑاسی مقصود جس کی تنخواہ تو 9 ہزار روپے تھی لیکن ان کے اکاؤنٹ میں 4 ارب روپے جمع ہورہے تھے۔

بشکریہ جنگ