عالمی منڈی میں تیل و گیس کی قیمت میں اضافہ رک گیا

روس کی جانب سے گزشتہ روز پڑوسی ملک یوکرین پر حملہ کیے جانے کے بعد عالمی منڈی میں خام تیل اور گیس کی قیمت میں ہونے والا اضافہ اب رک گیا ہے۔

برینٹ خام تیل 105 ڈالر فی بیرل فروخت ہونے کے بعد آج 101 ڈالر فی بیرل پر آ گیا۔

اسی طرح بین الاقوامی مارکیٹ میں ڈبلیو ٹی آئی خام تیل کل 100 ڈالر فی بیرل میں فروخت ہونے کے بعد آج 94 ڈالر فی بیرل پر آ چکا ہے۔

روس پر یوکرین کے حملے کے بعد عالمی منڈی میں سونے اور خام تیل کی قیمتوں میں اضافہ ریکارڈ کیا گیا ہے۔

گیس کی قیمت دورانِ ٹریڈنگ 4 ڈالر 63 سینٹس کی سطح پر مستحکم ہوئی ہے۔

واضح رہے کہ گزشتہ روز روس کی جانب سے پڑوسی ملک یوکرین پر حملے کے بعد بین الاقوامی مارکیٹ میں خام تیل اور گیس کی قیمتوں میں اضافہ ہو گیا تھا۔

بشکریہ جنگ