صحافی وسیم عالم کو والد نے قتل کیا: پولیس

کرک میں صحافی وسیم عالم قتل کیس کا ڈراپ سین ہو گیا، کرک پولیس کے مطابق صحافی وسیم عالم کو ان کے والد نے قتل کیا ہے۔

کرک پولیس کا کہنا ہے کہ صحافی وسیم عالم کے والد حق نواز کو لکی مروت سے گرفتار کیا گیا ہے جنہوں نے اعترافِ جرم کر لیا ہے۔

کرک میں نامعلوم افراد کی جانب سے فائرنگ کے نتیجے میں مقامی صحافی قتل، پولیس نے ملزمان کے خلاف مقدمہ درج کر لیا ہے

پولیس نے بتایا ہے کہ موبائل ڈیٹا کے ذریعے صحافی وسیم عالم کے قاتل والد تک رسائی حاصل ہوئی۔

صحافی وسیم کا والد کئی برس سےعلیحدہ رہتا تھا، جس نے فون کر کے بیٹے کو بلایا تھا۔

پولیس کے مطابق باپ بیٹے میں 3 روز پہلے تلخ کلامی ہوئی تھی، جس پر باپ نے فائرنگ کر کے بیٹے کو قتل کر دیا اور فرار ہو گیا تھا۔

کرک پولیس کی جانب سے گرفتار ملزم سے صحافی وسیم عالم کے قتل کے حوالے سے مزید تحقیقات کی جا رہی ہیں۔

بشکریہ جنگ