شیر شاہ پولیس کی کارروائی، چھالیہ و انڈین گٹکا اسمگلنگ کی کوشش ناکام

سینئر سپرنٹنڈنٹ آف پولیس (ایس ایس پی) کیماڑی کیپٹن (ر) فیضان علی کی خصوصی ہدایت پر کارروائی کرتے ہوئے شیر شاہ پولیس نے چھالیہ اور انڈین گٹکا اسمگلنگ کی کوشش ناکام بنا دی۔

ایس ایچ او شیر شاہ انسپکٹر عظمیٰ خان نے پولیس پارٹی کے ہمراہ خفیہ اطلاع پر طالب گورنمنٹ اسکول ماڑی پور روڈ پر کارروائی کرتے ہوئے سوزوکی نمبری KS-8441 کو تحویل میں لے کر چھالیہ اور انڈین گٹکا اسمگلنگ کی کوشش کو ناکام بنا دیا۔

چھالیہ و انڈین گٹکا اسمگلنگ میں ملوث ملزم رفیق ولد رحمت اللّٰہ کو گرفتار کر لیا گیا۔

تحویل میں لی گئی سوزوکی سے 25 عدد بوریوں میں 300 کلو گرام گٹکا ماوا میں استعمال ہونے والی چھالیہ اور 180 پیکٹ (18000پڑیاں) انڈین گٹکا برآمد ہوا۔

ملزم کیخلاف گٹکا ماوا ایکٹ کے تحت مقدمہ نمبر 171/2023 درج کرکے مزید تفتیش کی جارہی ہے۔

بشکریہ جنگ