شیخ رشید کی آڈیو لیک پر سہیل وڑائچ کا تبصرہ

سینئر صحافی و تجزیہ کار سہیل وڑائچ نے شیخ رشید کی آڈیو لیک پر تبصرہ کیا ہے۔

جیو نیوز سے گفتگو میں سہیل وڑائچ نے کہا کہ گل زمان، شیخ رشید اور چوہدری خاندان کے دوست ہیں، یہ گفتگو اصل ہے۔

اُن کا کہنا تھا کہ یقین سے نہیں کہا جاسکتا ہے کہ اس میں کتنا مزاح ہے اور کتنی سنجیدہ بات ہو رہی ہے۔

عوامی مسلم لیگ کے سربراہ شیخ رشید نے جلیل شرقپوری سے متعلق آڈیو کی تصدیق کردی۔

سینئر صحافی و تجزیہ کار نے مزید کہا کہ ان باتوں سے اندازہ لگانا مشکل نہیں کہ ملک میں کس طرح کی سیاست چل رہی ہے۔

آڈیو لیک میں مبینہ طور پر شیخ رشید چوہدری گل زمان نامی شخص سے بات کر رہے ہیں اور کہہ رہے ہیں کہ پھر کل شرقپوری کو بھی آپ نے پیمنٹ دے دی ہے۔

گل زمان نامی شخص نے کہا کہ یہ ٹیلیفون ہے خدا کے بندے، صورتحال دیکھنا بیڑا پار ہو گا انشاء اللّٰہ۔

شیخ رشید نے کہا کہ میں نے آپ کی وجہ سے بیپر دیا ہے کہ دیکھیں پھر کیا ہونا ہے۔

گل زمان نے کہا کہ آپ نے میری وجہ سے بیپر دیا، اللّٰہ پردہ رکھنے والا ہے۔

شیخ رشید نے کہا کہ ابھی نکلے نہیں آپ اتنا زبردست الیکشن ہے، جس پر گل زمان نے جواب دیا کہ ابھی نکلتے ہیں پھر آپ کو خبریں دیتے ہیں۔

بشکریہ جنگ