شہزادی شارلیٹ کی معصومیت نے مداحوں کے دل جیت لیے

پرنس اینڈ پرنسز آف ویلز ولیم اینڈ کیتھرین مڈلٹن کی بیٹی شہزادی شارلٹ نے ملکہ کی آخری رسومات کے دوران اپنی معصومیت سے مداحوں کے دل جیت لیے۔

سوشل میڈیا پر ملکہ برطانیہ کی آخری رسومات سے شہزادی شارلیٹ کی ایک ویڈیو وائرل ہورہی ہے۔

اس ویڈیو میں شہزادی شارلیٹ اپنے بڑے بھائی شہزادہ جارج کو یہ نصیحت کرتے نظر آرہی ہیں کہ جب پردادی کا تابوت سامنے سے گزرے گا تو آپ کو اپنا سر جُھکانا ہے۔

دوسری جانب، شہزادہ جارج بھی اپنی بہن کی بات غور سے سنتے ہوئے نظر آرہے ہیں۔

سوشل میڈیا صارفین کی جانب سے اس وائرل ویڈیو کو بہت پسند کیا جارہا ہے اور شہزادی شارلیٹ کے مہذب اور معصومانہ انداز کی تعریفیں بھی کی جارہی ہیں۔

بشکریہ جنگ