شہباز شریف نے کن کھلاڑیوں کی تعریف کی ؟

وزیر اعظم شہباز شریف کی جانب سے قومی ٹیم کو ٹرائی ٹی ٹوئنٹی سیریز جیتنے کی مبارکباد دی گئی ہے۔

وزیر اعظم شہباز شریف نے اپنے ٹوئٹر اکاؤنٹ پر قومی ٹیم کی جانب سے سہ ملکی سیریز کی ٹرافی اپنے نام کرنے پر خوشی کا اظہار کیا ہے۔

شہباز شریف نے اپنے ٹوئٹ میں لکھا ہے کہ قومی ٹیم کو شاندار سیریز جیتنے پر مبارکباد۔

انہوں نے مزید لکھا کہ میچ کے دوران نواز، حیدر اور حارث نے اہم کردار ادا کرنےکے ساتھ میچ کا شاندار اختتام کیا۔

وزیرِاعظم شہباز شریف نے بابر الیون کے لیے آنے والے ٹی 20 ورلڈ کپ میں جیت کے لیے نیک خواہشات کا اظہار بھی کیا ہے۔

قومی کرکٹ ٹیم کے کپتان بابر اعظم نے ٹی ٹوئنٹی ورلڈ کپ جیتنے کا عزم کا اظہار کیا ہے۔

واضح رہے کہ پاکستان نے نیوزی لینڈ کو 5 وکٹ سے ہرا کر سہ ملکی T20 سیریز اپنے نام کر لی ہے۔

گرین شرٹس نے 164 رنز کا ہدف آخری اوور میں حاصل کیا۔

وکٹ کیپر و بیٹر محمد رضوان اور کپتان بابر اعظم نے فائنل میچ جیتنے کے لیے کوششوں کا آغاز کیا جس کے بعد مڈل آرڈر نے بھی بہترین کھیل پیش کر کے آج مداحوں کی شکایتیں دور کر دی ہیں۔

بشکریہ جنگ