شعیب اختر کے بعد کوہلی بھی سہواگ کے نشانے پر

حال ہی میں پاکستان کے سابق فاسٹ باؤلر شعیب اختر کے باؤلنگ ایکشن کو غیر قانونی قرار دینے والے سابق بھارتی کرکٹر وریندر سہواگ نے اب بھارتی ٹیم کے سابق کپتان ویرات کوہلی پر بھی تنقید کے تیر برسا دیے۔

بھارت کے سابق اوپنر وریندر سہواگ، جنہوں نے اپنے شاندار کیریئر کے دوران ان دو عظیم لیڈروں سورو گنگولی اور ایم ایس دھونی کی قیادت میں کھیلا۔ 

اُنہوں نے اپنے حالیہ بیان میں گنگولی کی قیادت کو بھارت کے دیگر کپتانوں کے مقابلے میں بلند قرار دیتے ہوئے کہا کہ ’اعداد و شمار کے مطابق ویرات کوہلی بطور کپتان بہترین کھلاڑیوں میں شامل رہ سکتے ہیں لیکن پھر بھی، وہ اتنی اچھی ٹیم نہیں بنا سکے جیسا کہ گنگولی نے اپنی کپتانی میں کیا تھا۔‘

وریندر سہواگ نے کہا کہ ’گنگولی نے اپنی قیادت میں ایک نئی ٹیم بنائی، نئے کھلاڑی لائے اور ہر کھلاڑی کو سپورٹ کیا۔‘

سابق ٹیسٹ کرکٹر شعیب اختر نے سابق بھارتی کرکٹر وریندر سہواگ کی جانب سے اُن کے باؤلنگ ایکشن کو غیر قانونی قرار دینے پر جواب دیتے ہوئے کہا ہے کہ وریندر سہواگ کو ایسی باتیں نہیں کرنی چاہیے اگر اُنہیں آئی سی سی سے زیادہ معلومات ہے تو الگ بات ہے۔

اُنہوں نے کوہلی کی کپتانی پر تنقید کرتے ہوئے کہا کہ ’مجھے نہیں لگتا کہ ویرات کوہلی نے اپنی قیادت میں ایسا کیا ہوگا، وہ صرف چند کھلاڑیوں کو سپورٹ کرتے تھے۔‘

واضح رہے کہ سابق بھارتی ٹیسٹ کرکٹر وریندر سہواگ نے اپنے حالیہ بیان میں قومی کرکٹ ٹیم کے سابق فاسٹ بولر شعیب اختر کے بولنگ ایکشن کو غیرقانونی قرار دیا تھا۔

وریندر سہواگ نے کہا تھا کہ شعیب اختر بولنگ کے وقت اپنا ہاتھ چھپا کر بھاگتے تھے اور جھٹکا مارکر گیند کرواتے تھے۔

بشکریہ جنگ