شدید بارشوں کے پیشِ نظر انٹرنیٹ سروس سے متعلق ہدایت جاری

وفاقی وزیر آئی ٹی امین الحق نے شدید بارشوں کے پیشِ نظر پاکستان ٹیلی کمیونی کیشن اتھارٹی کو ہدایت جاری کردی۔

وفاقی وزیر کا اپنے بیان میں کہنا ہے کہ پاکستان ٹیلی کام کو کہا ہے کہ ٹاور اور براڈ بینڈ کی سہولت چلتی رہے۔

علاوہ ازیں سید امین الحق نے کراچی، ٹھٹھہ، سجاول میں ممکنہ طوفان کے پیشِ نظر متعلقہ حکام سے ہنگامی رابطے کیے اور کراچی، ٹھٹھہ، سجاول، ابراہیم حیدری، مبارک ویلیج سمیت طوفان سے ممکنہ متاثر ہونے والے علاقوں میں اقدامات پر تبادلہ خیال کیا۔

وفاقی وزیر نے وزیراعلیٰ مراد علی شاہ سے بھی ٹیلی فونک رابطہ کر کے انہیں اپنی وزارت کی جانب سے ہر ممکن تعاون کی پیشکش کی۔

بشکریہ جنگ