شازیہ مری کی حیثیت نہیں کہ عمران خان پر تنقید کریں: جمال صدیقی

پاکستان تحریکِ انصاف (پی ٹی آئی) کے رہنما جمال صدیقی کا کہنا ہے کہ شازیہ مری کی حیثیت نہیں کہ عمران خان پر تنقید کریں۔

شازیہ مری کی پریس کانفرنس پر اپنے ردِعمل کا اظہار کرتے ہوئے جمال صدیقی نے کہا کہ سیاسی بونے عمران خان پر انگلی اٹھا کر اپنا قد بڑھانا چاہتے ہیں۔

انہوں نے کہا کہ 11 بزدل لیڈر اکیلے عمران خان کا مقابلہ کرنے سے قاصر ہیں۔

پیپلز پارٹی کی رہنما، وفاقی وزیر شازیہ مری کا کہنا ہے کہ سابق وزیر، پی ٹی آئی چیئرمین عمران خان تاریخ میں سب سے بڑا جھوٹا پیدا ہوا ہے۔

جمال صدیقی کا یہ بھی کہنا ہے کہ مرتضیٰ وہاب ایک ناکام ٹی وی ایکٹر ہیں جو ہر بار فلاپ ہوئے، سیاسی تربیت سے محروم پی پی رہنما بوکھلاہٹ کا شکار ہیں۔

واضح رہے کہ پیپلز پارٹی کی رہنما، وفاقی وزیر شازیہ مری نے پریس کانفرنس کرتے ہوئے کہا ہے کہ پی ٹی آئی کے چیئرمین عمران خان تاریخ میں سب سے بڑے جھوٹے پیدا ہوئے ہیں۔

انہوں نے یہ بھی کہا ہے کہ عمران نیازی نے پہ در پہ جھوٹ بولے، وہ امن اور یکجہتی کی فضا کو خراب کرنا چاہتے ہیں۔

بشکریہ جنگ