شادی سے انکار پر پولیس افسر نے مبینہ طور پر لڑکی کو اغوا کرلیا، مقدمہ درج

پنجاب کے شہر گوجرانوالہ میں سب انسپکٹر کے خلاف لڑکی کے مبینہ اغوا کا مقدمہ درج کر لیا گیا، مدعی مقدمہ کا کہنا ہے کہ پولیس افسر نے اس کی بہن کو دیکھنے کے بعد زبردستی شادی کے لیے دباؤ ڈالا، انکار پر بہن کو اغوا کرلیا۔

پولیس کا کہنا ہے کہ مقدمہ مغوی لڑکی کی بہن کی مدعیت میں درج کیا گیا۔

مدعی مقدمے کا کہنا ہے کہ جھگڑے کے مقدمے میں تفتیش کیلئے چوکی انچارج ہمارے گھر آیا تھا۔

ایف آئی آر میں کہا گیا ہے کہ میری بہن کو دیکھنے کے بعد سب انسپکٹر نے فون کالز کرنا شروع کردیں، اور زبردستی شادی کیلئے دباؤ ڈالا، انکار پر بہن کو اغوا کرلیا۔

پولیس کا کہنا ہے کہ سب انسپکٹر بھی غائب ہے، گرفتاری کیلئے چھاپے مارے جا رہے ہیں۔

بشکریہ جنگ